mercredi

ريحة البلاد



  و انت هابط مالتران، لعباد ادز، تهبط و تطلع الدروج، تخرج مالمحطة، ريحة البلاد يابا شياط و ڤمم يابا يابا... 

  ما نعرش علاه في الأفلام و الغنايات الشعبية اللي نعرفها ديما اغنيو على بلاد ما نعرفهاش.. ممكن البلاد اللي نفونتازميو عليها، ولا اللي بعمى المحبة نشوفوها...

  امشي شوية.. ااااخ تفووه: واحد يترانا على اولامبيات قفز البزقة بالزانة.. كان جات وقتها الريح شرش براني راهي جات فيا.. كان مش سترت تانيت... 

  "زبور" مخلوق يمر يحاولو اغراءي و جذب انتباهي باختصاري في عضوي التناسلي..
انا لتو لا فهمت.. كي طفل من بعيد اعيط لطفلة ما يعرفهاش، على طول صوتو زبور، شنيا المتعة اللي تصيرلو؟ ولا شنية اللي في مخو الزر...؟؟

  زيد امشي.. الستة و الدنيا مازالت ضاوية.. الربيع ربع، و ما عاد بناويت تضبع .. الشجرة شايخة بوريقاتها الجدد، عطاها العمر، و هوما هازين حمل الدنيا لين افوت لعمر، 
النهج لمقابل، يتحل باب، "مرا" بالنقاب و "راجل" باللحية... الراجل قرا معانا في الليسي ... تتفكرو رضا ق.. سمعت بيه عرس، اما عمري ما تصورتو ... كان... الدنيا قحبة.

  المعيش اعيّف..
نخمم نكتب يخرج الحبار من قلمي ردان، قلبي عندو جريان الجوف متع كلمات.
الوجوه خضرا و الأشجار مغبرة الألوان باهتة... اللون جربوعي حتى كي الشمس زارقة.


حكاية تتعاود... 
حياة مخور و شم.

Pages

D'autres notes

Related Posts Plugin for WordPress, Blogger...