الكلمة نغمة،
اللوغة تخرِّج مالجواجي غمة،
تفهم العين و النفس من غير ما تنطق كلمة.
اللوغة غزرة.
و كي تبعد، و موش على خاطر تحب تنسى أما تسهى، اللوغة نقمة.
كي الأفكار في بالِك، تحكي لوغة غير لوغة الأرض اللي جاباتـِك*
كي الحلمة تصير، في بلاد ما شفتهاش و انت صغير.
و كي العيشة تحلى، في اللي اسميوها غربة مرة.
كان اللوزة مرة تبزقها ما تاكلهاش...
تنكر و تنفي و تسمي روحك خاين و لبلادك ناكر و ما تسواش مليم كان تهجر..
أما كي الوغة حراشت الغربة ليانت.
وقت إلي جابت هَملِت و بالحلمة كفرت لوغتك تصقسي على صحتك.
الكبدة هي إلي مرة...
تستحلى عيشة الخير، و تفرح و انت يتيم
تنقم عالبلاد تبعد
تكره العباد تهرب
و ما تتوحش ملي كان، كان كلمة.
*لهجة جربية
