كان نزيد فيها نهار ما .... يتقطعلي عرق

موش مستانسة نكتب عربي .. (و زيد كالمرة إلي كتبت عربي هوني.. ثمة شكون إقترح عليا إتود بلوشي هاني نستنى ...)
أما لازم نفرغ قلبي توا..توا!

الحكاية صارت في الايكول إلي نقرا فيها ( هي معهد .. لقاوه في صعدة دخلوه في التعليم العالي )

كي كل صباح تقريباً نصبح على ساعة و نص اناليز (.. ساعتين... انا VIP الشمينو مرتحتني.. لمزيد من الإرشادات )

العشرة و ربع تضرب السنوري انا مستانسة كي نسمعها ننسى إدنيا، نهز وريقاتي و نخلي الكلاس معبي.. أمورهم..

نهارتها قعدت بعد الوقت.. انقل من التابلو , نشوف في الجماعة محضبين على البروف ( 6 ساعات نقراو عندو بدون احتساب الساعات الإضافية :راتراباج.. موش كافين؟ )

مسيو:' علاه ماسإلتوش بكري ؟ '
الجماعة : ززز (ثمة ذبانة مرجتني )
فلانة :( في قلبي و انا نقل ) مسيو،مسيو،مسيو...انا نعرف ... ما سمعتش بال- : اسبري كونكور ...
و انا هكاكة تجيني بنت كلاسي (نسيت اسمها ) ماهاش معاهم في اللمة : فلانة عندك برفان ؟
فلانة : أأي... شبيك عندك إدوخة؟
بنت كلاسي : لا لباس اعطيني بركة

( نحب نوضح نقطة فرعية علاش عندي برفان ؟؟ على خاطرني من مستعملي القطار .. الرابط العجيب ؟؟ التران فيه ركابو ساعات واحد يضهرلو باش اهز حوت ساعات واحد نسى ريكسونا يحميه طول النهار ... واحد يتسلح مايعرفش في انا ساعة اطيح )

وقتها نلاحض إلي وجه بنت كلاسي 3D وقت إلي انا رجعت إلى عام 1938 (وقت النوار إيبلان ) ... ديتايي ما عندو ما ازيد... أما لمصداقية الاحداث...


فش فش فش فش ..... فش...' إحم ... كملت ؟؟ (مازلت نخلص فيها إدبوزة) '

ترجعلي إدبوزة تجبد من الساك متاعها ماتريال أقوى من متاع جماعة البوزار ... و انا نقل و ماني فاهمة شي لا في إلي نكتب فيه و لا في إلي نشوف فيه.
و مسيو مازال إفهم في واحد من الجماعة متاع بكري ..

بنت كلاسي بقحرة ( إلي باش إقريني إتيد الدرس 1 الق ب 3 نقاط فين؟؟ ) : فلانة مازلت قاعدة؟

فلانة : هاني نكتب (انا وقتها مزالي سطر أما مانيش باش نتحرك )

يخرج خليل (إلي كان يحكي معا مسيو )

بنت كلاسي : مسيو هاذي ما فهمتهاش ...
مسيو: تي ساهلة هاذي (صحيح مدام انا فهمتها )

(الوصف يفرض روحو هوني باش تتعايش مع القصة .. مسيو عامو الثاني اقري .. عمرو ما إفوتش ال-25 ما يحكي كان على الاناليز و إذا خرج على الموضوع راهو يحكي على الالجابر)

مسيو: هاذي توا سئلني عليها خليل علاه مجيتش معاه
فلانة :( في قلبي) باش تحرم عليا و عليك الركري
بنت كلاسي : منفهم كان كي تفهمني وحدي
مسيو: باهي باهي عندك ابسيلون و هاذي في الانفيني و بلا بلا بلا ...
بنت كلاسي : يا!! فهمت!!!! وحدك يا مسيو!
فلانة:( في حوايجي) انتي صرفت صرفت عطيه بيزو على الفازة
بنت كلاسي... تمهمه تراش باش تقول
مسيو: كان مازال عندك حاجة خلي غدوة.
بنت كلاسي: ا دوما (نلتقي غداً بالعربي )

انا ؟؟؟ ..مازلت باهتة و قعدت وحدي في اصالة نغزر للوقت... 10.40 روتار، وكرشي تغني م الجوع.... و جات لمخي باربي و أميرات ديزني ( نحسهم السبب متع كل شي ..)



نزيد فيها غدوة و كان العوج مازال ازيد...... نمشي نبرد في السيجومي أقرب نقطة مياه غادي ...