lundi

راهو وقيت باش تقيد !

تندرج ها التدوينة في  ها الحملة ... 




انك تكتب باش تقول برى قيد و تنتظر 'القدرة' باش إلي يقرا يتلحلز و ياخو بخاطرك و اقيد .. إيه إلي عند ربي موش بعيد ...




أما بون ، نعملو على لإيفي دو ماس * ( برشة تدوينات في وقت قصير )  باش يأثر في برشة عباد ... و التكعرير اجيب !

و كانك و إنت تقرا تقول الانتخابات ما فيهاش مصداقية و معندهاش مشروعية ، و إلا جيعان و بالك في حلوة الشامية ، برا قيد : مسمار في حيط ، و بعد نحكيو ...

تقعد في اللخر  الفالور اجوتي **  متع المقيدين : كركر  داركم ، صحابك ، أولاد حومتك ، و الحومة بحذا حومتك ، اللي تكور معاهم ، تخرج معاهم  اقيدو ! 




 برا قيد لا ترسيلك يوم الانتخاب تنتحب  ، ما تستناش ليلة صلى الله لا تلقى البلدية بالصف و افوت الوقت و تمشي تقود !!  

   


*effet de masse 
**valeur ajoutée 

mercredi

"راهو وقيت باش تقيد"..









Chères amies blogueuses

Chers amis blogueurs



Nous voudrions faire du 25 et 26 juillet deux journées de 

blogging sous

le thème de l'inscription aux listes électorales, notre 

slogan est :


"راهو وقيت باش تقيد"..



'Barbech' est en train de nous confectionner un logo. 



Le  but étant d'encourager nos compatriotes à se déplacer 

et s'inscrire aux listes électorales.



Nous espérons que vous pourriez vous joindre à nous! 



   ... plus d'info sur l’évènement FB (lien

vendredi

حايرة




 ضاعت الجملة ، وقتلي هرب الحرف من الكلمة .

  شفتشي السطر كي ثار على النص !! 

  القلم خان الورقة ، باع روحو للشفقة ، ما دام نظم الشعر و وزن  النثر ما يجيب شبعة ، مد يدو للطلبة .

  ماتت الكلمة ، قعدت جيفة في حلقي ، غصة , دفينتها شهقة،

قتلتها طفلة صغيرة ، هذيكا إلي تعرفها م الحيرة إلي في ضحكتها ، م الغيرة على فرحتها ...

بنوتة حلفت ما " تكبر " 
و كبرت في ضلام الليل ، غبرت... و معا الخليل سكرت ...

خانت الوعود ، و نكرت للموجود ، 
و لا عبرت لا عهود و لا حدود ...
رأي راسها تبعت و بقانون شهوتها احتكمت... 

حياتها بذرت ... و حايرة بين الوجوه قعدت ..

Pages

D'autres notes

Related Posts Plugin for WordPress, Blogger...