على هامش " التكييت "

   كان حالكم كيف حالي و الكلمة ضهرتلكم  بيزار ..  نوضح :

   يا سيدك الاصل اللغوي لللتكييت هو من كيت \ يكيت , جذر  ( ك \ ي \ ت )  كيما  في    كيت مان ليبر* .

أما الاصل الابستمولوجي للكلمة فيرجع  للتلامذة إلي يستعملوا الكيت في الامتحانات : احط الكيت في وذنو  احضر شكون إخرج الدفوار ، شكون يخدم و شكون امل .. 

 السيستام منظم  ثمة إلي على رحمة  الوالدين  و الأكثرية  عباد تخدم بالفلوس ...

هوايف !!!

قالولي إلي الضاهرة عندها توا أكثر من 5 سنين... تكييت في اللسيات ، الجامعات ، أما إلي أقوى: بعض المصادر تحكي على تكييت للماجيستراتور ( و احبوا إستقلال القضاء )     في الباك.. و الكنكورات الوطنية !  ..
ما نخبيش عليكم إنو الموقف كي على عينيك إحمم القلب !!! انا تشوكيت ! و فهمت علاه النيفو ماشي للحضيض !

و من الطرائف المضحكة - المبكية إلي سمعتها على التكيت :

     - واحد  مل على صاحبو  " petit c "و قالوا  كان ما فهمتش كح ، صاحبو كح ..

      - واحد باك مات املوا عليه دوفوار المات ، "plus l'infinie " في بقعة ما يكتبها ثمانية مقلوبة كتبها  + l'infinie ...

صحابنا خذاو الباك و عام الجاي فاك سبسيالتي فوسكا !

أ لا فان حكاية  نزلقها في إطار الغش : تخريج مناظرة وطنية ! "مناظرات دخول كليات الهندسة " إلي كي نعديو عباد معانا داخلة حافظة و تهني في وسط الدفوار ...

و هذا إلي على عينيا ..
 و مازال مازال !

ماعندي اش بش نعلق ،نقل إلي ريتو يغني عن أي تعليق !

و ربي إنجح " الجميع"...