خوف الفرحة ... فرحة الخوف

 فرحانة بيك

 عرفتك من غير ما شفتك
كلمتك من غير ما سمعتك
سرحت فيك موش في عينيك

فرحانة بيك 

مرايتي ولا   ضلي 
قفايا  ولا وجي

لقيتك من غير ما فركست عليك

فرحانة بيك

لا نعرف لا انا لا إنت 

 كان انتي راني وحدة من العابرين

و كان انا راك اللول في لخرين...
 ما كنتش ليك أما بيك...

و نزيد نفرح كي تخاف مني عينيك
و شوفتي تحب تزيد..

 فرحانة.. و خايفة بيك..

خايفة لا نكون صغيرة و نقعد في حيرة
و إنت خبير

تقتلني فيك
 

 خايفة بيك لا نغلط نحسب روحي نعرف
 و انا شي ما نفهم نندم 

ندوان عليك

 خايفة بيك

لا تعديني كيف لخرين 

نمشي مع الماشين من غير ما نعرف ال وين
ننسى بيك

 خايفة بيك لا نلقى روحي رواية

  ليها نهاية

توفى قبل ما نشبع منها لحكاية 
حكاولي مرة عليك

ما تخلنيش نمرض بيك 

بين مطرتين

بعد ثورة ، في عمر العشرين 

نتغدر بيك

أفرح بيا عليك

و خاف عليا بيك 

فرح بضحكتي   عينيك

و خاف دمعتي على اديك...