dimanche

عيدك ... تحرير ...


كل عام و إنت مقدية 
بلادي أزين صبية

عيدك مش سواجر غداد  
عيدك فل و ياسمين وشق و داد
في عيون الحساد ...

عيدك تحرر لمخاخ العباد
لعبيد القيل والقال
كانك معايا راك ضدو ..  كانك ضدي راك معاه
أنا معى روحي معى لوغة  'أي أما' و 'لا على خاطر' 
 
عيدك إستقلال من إحتلال 'الجهال' ملي عليك يفتي 
يحكم كيفاه تحكي  
و إحددلك الموضوع و إطار المعقول 
و يحكم على وطنيتك بشكارة فول 

كل عام و كلامك عسل و سكر 
صباح الخير يا جاري 
يعطيك الخير يا صاحبي يا عشيري يا غالي 
منين جابولك كلمة إرهابي ضلامي علماني عميل يساري 
شكون قسم العباد بين جهادي و إسلاموفوبي 

عيدك كلام مزيان 
نحكي معاك لا اهمك في قصت شعري ، لا حبة في خشمي ، لا دين جد والدين أمي !

عيدك حرية بلا لوغة خشبية  ( إيه بدلنا الكونتر بلاكي بالم-د-ف )  

عيدك إستقلال مل جران الراقد في مخاخ العباد  !      


 

 

Aucun commentaire:

Enregistrer un commentaire

Laissez une note..

Pages

D'autres notes

Related Posts Plugin for WordPress, Blogger...