عاش ما كتب مات ما خلى

قامت مفجوعة كيف كل صباح 

غسلت وجها .. و لخيالها في المرايا قالت تبسم ممكن ليوم رباح

كان نهار أحد ..كيف كل نهار ماهي حابة تشوف حد 

هزتها سقيها لقهوة كلي مقابلة المسرح 

تترشف في قهوة .. مش عارفة بالها وين يسرح 

إتبع بعينها في مسيرة ... و بين  يديها جريدة

طيشتها و دورت الكرسي 

هربت من الضل للشمس 

تحكي مع روحها بالهمس 

تتمنى في نهار سعيد .. تتغنى بالبعيد

قعدت لين تعبت 

مشات حتى عيات 

و منين جات رجعت .. 

على فرشها اتكات 

دغدغتها يدها على شدت الستيلو 

كتبت صاحت عيطت انتقمت على الحبار و الوراق

"من ها الحكة فديت .. من حكمهم عيت .. على قوانينهم تربيت و أول ما عصيت العصا كليت ..

عشرين عام صبرت .. على خاطرهم فعلت صنعت عملت  عشت

قوم كول اقرا أرقد

قوم كول اخدم  أرقد

قوم اجري على القدمة كولها أرقد

    قوم كول عرس  أرقد جيب زوز صغار أرقد

أنا ما اخترت 

أحييييت أحييت مالماسك إلي على وجي رسمت 

أحييت ملفرحة إلي موش من قلبي فرحت 
أحييت من قوتي إلي موش فيا أما على وجي صورت 
عييت عييييييت !!! 


أخنقني ، حررلي روحي ، أكتملي نفسي ، نحيلي قيودي 
رتحني 
ثقلت عليا الدنيا 


كي تتوجد من غير ما تعيش .. علاه وجودك!؟"

كتبتها و تمتمت           ليوم انا خترت

عاشت و ماتت في كلمة

ماتت صاحبتي 

ماتت صاحبتي!!!!

ماتت عبير في بسمة ... كانت لروحها مصير 

قتلها حب الدنيا و ضحكتها

خلات جهامة بلى روح لا حابة تعيش لا منجمة تموت 

 A l' 'âme' de la  seule amie que j'ai eu .