الدز

من دز يدز دزاً....


دز يا مدام دز... دز
وغغغ ... مرحبا بيك في إدنيا ..


تكبر شوية إدزوك قدام المكتب باش تدخل تقرا
تعدي كل عام بالدز شوف و شوف تنجح ...


الدز يجيب و كل حد و دزتو...




ثمة إلي احط دزة باهية و يسلكها
ثمة إلي ادز الباب و ياقف غادي
ثمة إلي ادز في الترينوات و الكيران (و ساعات حتى في الكياس .. هاني جايتو) حتى كي تبدى الدنيا فارغة .. شد الفورمة متع الدز
ثمة إلي يدز باش يفرغ بلاصة و يقعد فيها براسو
ثمة إلي ادز خوه اجيبوا في الشوربة





و ثمة إلي دز فلانة جابها مغروسة كي البصلة
برا يعطيك دزة كان ما جيتش قد عزيزي....