jeudi

يا تونسي ايجا للقصبة







في قلبي حرقة ..
 شادتني الغصة..

بعد ما صبرت و صدقت 
تغدرت ...

النهار الاول صدقت 
قلت أعطي فرصة ، تعقلت..

و شفت في نهار واحد شفت...

شفت السبعة تنحات تبدلت بالوطنية 
أما مازلت واطية النية 
إلي كانوا إثمنو في التحديات
ولاو إثمنو في حكومة وقتية ...
شفت البوليس تظاهر قلت يا عيني على الحرية ...
أما بعيني شفت مازال الدكتاتورية 
ثورة 14 شعلوها البوزيدية 
أولاد الجنوب و المناطق الداخلية 
رجال تحريرها قبل ما تتشنق  في الحلق الكلمة 

ماتوا خواتهم ، اولادهم .. أما موش اصواتهم مازل ما تفاطش نارهم 


يا تونسي ايجا للقصبة 
و يزي من '' إقتصاد البلاد و قراية الولاد ''  و اللوغة المخشبة 
تسامح ؟ تسامح إلي كلالك الكبيدة ؟
تسامح إلي قتلك الوليدة 
و مسكر عليك بالمعلومة المعتمة 
و إلا خايف ؟ خايف على بريم لا إقصوهولك و إلا على دوسي لا يفضحوهولك ،
حتى انتي تسرق بالدرقة ؟


في قلبي حرقة 
شادتني الغصة
نعرف غدوة تتنحى
كي النهابة اطيرو على برى

غدوة ..
غدوة ... نلقى روحي حرة

4 commentaires:

  1. :) هذا فنّ موش تدوينة يا فلانة ... شكرا يا فنانة

    RépondreSupprimer
  2. غدوة ..
    غدوة ... نلقى روحي حرة

    Bravo Fléna

    RépondreSupprimer
  3. قلبي حشيشة كلاته بقرة ... ما غاضنيش كي كلاته ، أما كي ... (حشى الناس الكل :p)

    RépondreSupprimer
  4. :)شفتو كي نقول غدوة معناها غدوة
    مبروك علينا يا جماعة

    و كاليمارو سملة على قلبك :D

    RépondreSupprimer

Laissez une note..

Pages

D'autres notes

Related Posts Plugin for WordPress, Blogger...